- bng.xinzodalimia - http://bng-xinzo.gzlab.eu -

O BNG urxe unha solución para as deficiencias nas instalacións do Conservatorio

Posted By admin On 05/01/2012 @ 11:25 pm In En destaque,Grupo Municipal,Mocións,Sala de imprensa | No Comments

O BNG lamenta comprobar como, unha vez máis, a deixadez e a desidia do PP impiden ofrecer un servizo de calidade, neste caso o Conservatorio de Música.

Xinzo da Limia, 5 de xaneiro de 2012. O goberno do PP no Concello de Xinzo incluíu dentro das afamadas obras do PLAN E o novo edificio do Conservatorio. Gastáronse 600.000€ en facer un edificio ubicado, ao noso entender, nun sitio totalmente inadecuado para o seu destino e que provocou múltiples queixas e enfrontamentos entre o Concello e os veciños afectados.

En todo caso o edificio foi rematado mais, na actualidade aínda carece ou son deficientes os seguintes servizos: non funciona o sistema de calefacción, o subministro eléctrico é precario, non ten fotocopiadora, non se dispón de acceso a Internet, etc. Todo isto provoca que os rapaces e rapazas queden sen luz en numerosas ocasións, teñan que ir a clases moi ben abrigados e con mantas, para facer fotocopias teñan que acudir á Biblioteca, non poidan acceder facilmente a ningún tipo de recurso ou información na rede, etc.

O BNG entende agora perfectamente por que no “Concerto do Nadal”, celebrado polas alumnas e alumnos do Conservatorio, tan só estivo presente o Concelleiro de Educación. Unha vez máis o Alcalde, Antonio Pérez, prefire non dar a cara perante os problemas que ten o Concello e delega a súa representación, reservándose el mesmo para mellores ocasións.

O BNG quere lembrarlle ao Sr. Pérez que, dende o punto de vista académico, temos un dos mellores Conservatorios non só da provincia senón de toda Galiza. Os e as músicos que saen do mesmo teñen demostrada a súa valía nas diferentes agrupacións existentes na comarca. Por iso, para rematar coas deficiencias detectadas, o Grupo Municipal do BNG ven de presentar unha moción na que se lle pide ao actual goberno do PP que, de xeito inmediato, proceda a subsanar estas carencias, dotando ao edificio do Conservatorio de todos os recursos materiais necesarios para cumprir a súa misión nunhas condicións axeitadas.


Article printed from bng.xinzodalimia: http://bng-xinzo.gzlab.eu

URL to article: http://bng-xinzo.gzlab.eu/2012/01/05/o-bng-urxe-unha-solucion-para-as-deficiencias-nas-instalacions-do-conservatorio/

URLs in this post:

[1] Nota de imprensa (pdf, 135kb): http://bng-xinzo.gzlab.eu/wp-content/uploads/20120105-np-bng-urxe-solucion-deficiencias-conservatorio.pdf

[2] Moción deficiencias Conservatorio Municipal (pdf, 36kb): http://bng-xinzo.gzlab.eu/wp-content/uploads/20120103-mocion-conservatorio.pdf