- bng.xinzodalimia - http://bng-xinzo.gzlab.eu -

O BNG esíxelle a Antonio Pérez unha aposta clara polo Conservatorio Municipal de Xinzo

Posted By admin On 09/04/2012 @ 4:56 pm In En destaque,Grupo Municipal,Mocións,Sala de imprensa | No Comments

O grupo municipal do BNG esíxelles ao Alcalde, Antonio Pérez, e ao goberno do Partido Popular, eficacia para garantir o futuro do Grao Medio no Conservatorio municipal.

Xinzo da Limia, 9 de abril de 2012. Desde o BNG de Xinzo queremos pór de manifesto a nosa preocupación diante do futuro do Grao Medio no Conservatorio Profesional de Música do noso concello. Son moitas as queixas presentadas na nosa Oficina de Atención ao Cidadán por alumnas e alumnos, familias e profesorado pola insistencia do alcalde do PP, Antonio Pérez, en que cabe a posibilidade de anular dito nivel de ensino do que, a día de hoxe, se están a beneficiar máis de 70 mozas e mozos, tanto deste Concello como doutros limítrofes. Ademais constitúe unha garantía de futuro para o alumnado que hoxe está a cursar o Grao Elemental, que de non manterse este nivel, tería a obriga de desprazarse a Ourense para recibir as clases correspondentes.

Hai que recordar que esta situación de incertidume xa se viviu no pasado, cando a inexistencia dun edificio propio para estes estudos facía perigar constantemente a continuidade do Grao Medio. Despois dun polémico proceso de construción dun novo centro, finalmente contamos con esta infraestrutura, polo que é ilóxico e surrealista que se estea pensando en suprimir un servizo con tantos anos de traballo e esforzo por parte tanto do profesorado, do alumnado e de boa parte da sociedade limiá no seu conxunto, e que sitúa a este centro como un referente académico da provincia.

Por todo isto, o grupo municipal do BNG vén de presentar un escrito ante o Concello, esixindo ao alcalde que se adopten as medidas necesarias para garantir os niveis académicos actuais. De non satisfacerse esta demanda social este grupo porá en marcha unha serie de iniciativas cidadás para denunciar esta situación froito do desgoberno, o desinterese e a falla de previsión do PP.


Article printed from bng.xinzodalimia: http://bng-xinzo.gzlab.eu

URL to article: http://bng-xinzo.gzlab.eu/2012/04/09/o-bng-esixelle-a-antonio-perez-unha-aposta-clara-polo-conservatorio-municipal-de-xinzo/

URLs in this post:

[1] Moción presentada no Concello (pdf, 76kb): http://bng-xinzo.gzlab.eu/wp-content/uploads/20120409-mocion-futuro-grao-medio-conservatorio.pdf

[2] Nota de imprensa (pdf, 136kb): http://bng-xinzo.gzlab.eu/wp-content/uploads/20120409-np-bng-esixelle-antonio-perez-aposta-conservatorio.pdf