- bng.xinzodalimia - http://bng-xinzo.gzlab.eu -

Pleno ordinario 28-2-2013

Posted By admin On 28/02/2013 @ 2:02 pm In Grupo Municipal,Mocións | Comments Disabled

Hoxe, quinta-feira (xoves), 28 de febreiro, ás 11:00h celebrouse o pleno ordinario segundo a orde do día que se acompaña.

Como tema máis reseñábel, e único con contido real na orde do día, destacamos a aprobación da redución de salario do 15,11% do persoal laboral do Concello en cumprimento do Plan de Axuste aprobado polo PP en marzo do ano pasado e do acordo plenario de 5.9.2012. Neste punto denunciamos a incoherente e errática política de persoal do grupo de goberno así como o seu nulo rigor técnico ao asinar unha proposta de redución inviábel legalmente, co cal ao final reducirase a todos os traballadores ese 15%, incluíndo as cotizacións á Seguridade Social.

No tempo das moción de urxencia aprobouse por unanimidade unha proposta do BNG na que se insta á Xunta de Galiza a declarar a Limia como Zona de Actuación Agraria Prioritaria, ao abeiro da Lei 6/2011, do 13 de outubro, de mobilidade de terras, o que dotará á nosa comarca dunha maior protección fronte a proxectos como o da mina de feldespatos.


Article printed from bng.xinzodalimia: http://bng-xinzo.gzlab.eu

URL to article: http://bng-xinzo.gzlab.eu/2013/02/28/pleno-ordinario-28-2-2013/

URLs in this post:

[1] Convocatoria pleno ordinario 28-2-2013 (pdf): http://bng-xinzo.gzlab.eu/wp-content/uploads/20130228-ordinario.pdf

[2] Moción solicitude Zona de Actuacion Agraria Prioritaria (pdf): http://bng-xinzo.gzlab.eu/wp-content/uploads/20130228-mocion-zona-actuacion-agraria-prioritaria.pdf